Daninn Nicklas Bendtner að gera góða hluti sem Fantasy-spilari á þessu tímabili.
Bendtner, sem er án félags í augnablikinu, er í 119. sæti í heiminum í Fantasy-leiknum í ensku úrvalsdeildinni en þar velja menn draumalið þar sem leikmenn fá stig fyrir atriði eins og að skora mörk og halda hreinu.
Þetta er mjög flottur árangur hjá Dananum í ljósi þess að meira en 8 milljón manns taka þátt í leiknum.
Bendtner er fyrrum leikmaður Arsenal en hann er ekki með neinn leikmann Arsenal í sínu liði þessa stundina. Hann er með fyrirliðbandið þessa stundina á Harry Kane, sóknarmanni Tottenham.
Uppfært 21:46: Þess má geta að Davíð Örn Atlason, leikmaður Breiðabliks, er með sama stigafjölda og Bendtner í leiknum. Hann birtir mynd af þessu á Twitter.
Sjá einnig:
Matthías og Bendtner góðir vinir - „Laxinn var mjög góður"
— Davíð Örn Atlason (@davidatla) February 24, 2021
Athugasemdir