Valgeir Valgeirsson, leikmaður HK sem er að láni hjá Brentford, var til viðtals í gærkvöldi vegna valsins á U21 landsliðshópnum.

Viðtalið:
Ekki pirraður út í ákvörðun Davíðs - „Á stóran þátt í því að ég er kominn út"

Fréttaritari spurði Valgeir út í Ívan Óla Santos sem HK keypti af ÍR síðasta sumar. Valgeir kvaðst ekki þekkja hann persónulega en hann spilaði á móti honum í yngri flokkunum. Valgeir er fæddur árið 2002.

„Maður man alltaf eftir því hversu stór og hraður hann var. Hann var langt á undan öllum í þroska og það var mjög erfitt að ráða við hann,“ sagði Valgeir

Ertu ánægður að HK hafi náð í hann?

„Já, gríðarlega ánægður. Það vita allir að hann er mikið efni og að hann er góður í fótbolta. Hann gæti alveg gert góða hluti með HK."

„Hann þarf að fá tíma því hann er ungur en vonandi fær hann einhverjar mínútur og getur þannig hjálpað HK á þessu tímabili. Ég veit alveg að hann getur hjálpað HK,“ sagði Valgeir.

Sjá einnig:
Ívan er hálfur Brassi, söng á RÚV og lék í bíómynd - „Neiii, bara Ísland"