„Það er svekkelsi að hafa ekki klárað þetta og fengið þrjú stig," sagði Jón Sveinsson, þjálfari Fram, eftir 2-2 jafntefli gegn Þrótt í Laugardalnum í kvöld.
Lestu um leikinn: Þróttur R. 2 - 2 Fram
Þróttur jafnaði undir blálokin er Sam Hewson skoraði fallegt mark úr aukaspyrnu. Fram fékk svo sannarlega færi til að ganga frá leiknum áður en það mark kom.
„Mér fannst vera það mikið betri í þessum leik að við áttum að vinna hann."
„Þróttur er að berjast fyrir lífi sínu og þeir héldu áfram allan leikinn. Hrós á þá fyrir það. Þeir ná í eitt stig. Ég veit ekki hvað það fer langt fyrir þá, en það er allavega eitt stig."
Fram er búið að tryggja sér sæti í efstu deild. Það er enn mikið eftir af mótinu. Er erfitt að mótívera liðið í þá leiki sem framundan eru?
„Já, auðvitað. Það er smá spennufall sjálfsagt eftir að hafa klárað markmið eitt, að fara upp. Við byrjuðum leikinn ekki mjög vel en svo girtum við okkur í brók. Þróttararnir eru með hættulega menn og eru öflugir þegar þeir geta sótt hratt á stórt svæði."
Hægt er að sjá allt viðtalið í heild sinni hér að ofan.
Athugasemdir