Ísland sækir Þýskaland heim í undankeppni HM 2022 í kvöld en leikurinn fer fram á velli liðs sem leikur þriðju efstu deild, liðs Duisburg sem leikur í Bundesliga 3.
Völlurinn heitir í dag Schauinsland-Reisen-Arena og er nefndur eftir styrktaraðila en gengur vanalega undir heitinu MSV-Arena.
Hann tekur vanalega 31.500 áhorfendur í sæti en að þessu sinni eru áhorfendur bannaðir útaf heimsfaraldri Covid-19 veirunnar.
Völlurinn byggður árið 2004 en þarna mun Þýskaland líka spila við Norður Makedóníu á miðvikudaginn.
Þjóðverjar hafa flakkað með heimaleiki liðsins og þannig voru spilaðir leikir í Köln og Leipzig haustið 2020.
UEFA notaði meðal annars völlinn í Duisburg fyrir lokakeppni Evrópumóts UEFA í fyrrasumar.
Leikurinn í kvöld hefst 19:45 og er í beinni textalýsingu hér á Fótbolta.net og sýndur á RÚV.
Athugasemdir