Lestu um leikinn: Kórdrengir 2 -  3 ÍA

Árni Snær Ólafsson markvörður Skagamanna var ánægður að leikslokum með að vera komin áfram í 16-liða úrslit Mjólkurbikar karla

„Bara léttir að vera komnir áfram, það var það sem skipti máli í þessu sko þó það hafi verið ljótt í dag."

Árni var spurður hvort það sitji ekki í liðinu að hafa ekki unnið meira sannfærandi á móti Kórdrengjum sem eru í 2.deild

„Nei. Jói sagði fyrir leik bara að komast áfram alveg sama hvernig það væri, 1-0, vító, drullusama þetta snýst bara um að komast áfram. þó við hefðum alveg viljað vera öruggari með þetta en þetta var bara allt í lagi."

Skagamenn fá Íslandsmeistarana í heimsókn á Sunnudaginn og var Árni spurður hvort það hafi ekki verið óþarfi að leikurinn hafi þurft að fara alla leið í framlengingu og tók Árni undir það.

„Já algjörlega, við erum í flottu standi, náum að recovera á milli leikja núna þó þessar 30 mínútur hafi kannski eitthvað að segja, en ekki á Sunnudaginn þá verðum við í toppstandi."