Stefan Ilsanker er mættur til Genoa
Ítalska félagið Genoa er byrjað að styrkja sig fyrir komandi átök í B-deildinni en Stefan Ilsanker er kominn til félagsins á frjálsri sölu frá Eintracht Frankfurt.
Ilsanker, sem er 33 ára gamall, hefur verið á mála hjá Frankfurt frá 2019 en félagið ákvað að framlengja ekki samning hans eftir þetta tímabil.
Austurríkismaðurinn getur spilað sem djúpur miðjumaður eða í miðri vörn.
Ilsanker gerir eins árs samning við Genoa með möguleika á að framlengja um annað ár.
Genoa féll úr Seríu A eftir síðustu leiktíð en íslenski landsliðsmaðurinn Albert Guðmundsson er á mála hjá félaginu.
Athugasemdir
