„Við spiluðum góðan leik fannst mér við erfiðar aðstæður sem að komu niður á báðum liðum en við náðum að halda boltanum nokkuð vel og skorum mjög gott mark og hefðum hugsanlega átt að fá annað en fengum ekki. Mér fannst við slaka aðeins á síðustu 15-20 í fyrri hálfleik og hleypa Skagamönnum aðeins inní þetta þar sem þeir áttu sín upphlaup og kannski ágætis séns á að búa eitthvað til sem þeir gerðu reyndar ekki en mér fannst við síðan stjórna leiknum í seinni hálfleik nokkuð vel.“
Sagði Rúnar Kristinsson þjálfari KR eftir góðan 2-0 útisigur á liði ÍA fyrr í kvöld á Skipaskaga.
Sagði Rúnar Kristinsson þjálfari KR eftir góðan 2-0 útisigur á liði ÍA fyrr í kvöld á Skipaskaga.
Lestu um leikinn: ÍA 0 - 2 KR
Sigurinn fleytir liði KR í fjórða sæti deildarinnar þar sem KA tapaði á sama tíma fyrir Breiðablik á Akureyri. Enn er einhver möguleiki á sæti í Evrópu að ári fyrir KR en markmiðin fram að lokum tímabils sagði Rúnar.
„Við lítum á þetta sem það verkefni að skila Íslandsmótinu af okkur með stolti. Við viljum alltaf reyna að vinna alla leiki og þó að við séum kannski ekki á þeim stað að berjast um titilinn eins og staðan er í dag þá viljum við vera eins ofarlega og við getum.“
Á dögunum birti Hjörvar Hafliðason nokkur myndbönd á Twitter þar sem hann tiltók nokkur atriði með Rúnari á hliðarlínunni þetta sumarið. Rúnar var spurður álits.
„Myndavélarnar eru alltaf í kringum varamannaskýlin og þær eru víða á vellinum. Mér er alveg sama hvað menn út í bæ segja og hef enga ástæðu til að commentera á það.“
Sagði Rúnar en allt viðtalið má sjá hér að ofan.
Athugasemdir