Kvennalið Kristianstad tapaði fyrir Häcken, 3-1, í sænsku úrvalsdeildinni í dag.
Sif Atladóttir og Sveindís Jane Jónsdóttir voru báðar í byrjunarliði Kristianstad og spiluðu allan leikinn.
Kristianstad lenti þremur mörkum undir en náði inn sárabótamarki undir lokin.
Þetta var þriðja tap Kristianstad á tímabilinu en liðið er í 5. sæti deildarinnar með 21 stig. Elísabet Gunnarsdóttir er þjálfari liðsins og er Björn Sigubjörnsson aðstoðarþjálfari.
Hacken er á meðan í öðru sæti með 29 stig, sex stigum á eftir toppliði Rosengård.
Athugasemdir