Shelley Kerr er hætt sem landsliðsþjálfari Skotlands, en knattspyrnusambandið þar í landi tilkynnti þetta á aðfangadag.
Skotland hefur náð góðum árangri undir hennar stjórn, en mistókst að komast á sitt þriðja stórmót í röð eftir tap gegn Finnlandi í undankeppni EM í desember.
Kerr er 51 árs gömul og hafði hún meðal annars þjálfað Arsenal áður en hún tók við skoska landsliðinu 2017.
Hún stýrði Skotlandi á EM 2017 þar sem liðið féll úr leik í riðlakeppninni. Henni tókst svo að koma liðinu á HM 2019, en það var í fyrsta sinn sem Skotland kemst á HM.
Landsliðsþjálfarastarf Íslands er laust og Kerr er klárlega þjálfari sem gæti komið inn í myndina þar ef KSÍ ákveður að skoða að ráða erlendan þjálfara.
Athugasemdir