Joachim Löw, þjálfari Þjóðverja, var ánægður með sína menn í 3-0 sigrinum á Íslandi í undankeppni HM í gær.
Um var að ræða fyrsta leik Þjóðverja síðan þeir töpuðu 6-0 gegn Spáni í Þjóðadeildinni í nóvember.
Um var að ræða fyrsta leik Þjóðverja síðan þeir töpuðu 6-0 gegn Spáni í Þjóðadeildinni í nóvember.
„Eftir langa pásu höfðum við mikla þörf fyrir að sýna að við værum betri en gegn Spáni," sagði Löw eftir leikinn.
„Ég var ánægður með stærstan hluta leiksins. Við byrjuðum leikinn af krafti og vildum setja tóninn strax."
„Liðið kom inn í leikinn með rétt hugarfar. Í síðari hálfleik spiluðum við of mikið af sendingum til baka og klikkuðum á nokkrum tækifærum til að ná hraðanum aftur upp."
Þjóðverjar mæta Rúmenum og Norður-Makedónum í næstu leikjum í undankeppninni. „Ég sé ennþá möguleika á að bæta okkar leik," sagði Löw.
Athugasemdir