Henrikh Mkhitaryan, markahæsti leikmaður í sögu Armeníu, verður ekki með í leiknum á sunnudag.
Armenía verður án fyrirliðans Henrik Mkhitaryan þegar liðið mætir Íslandi í undankeppni HM á sunnudag. Mkhitaryan, sem spilar með Roma, hefur skorað 30 mörk á landsliðsferli sínum en hann er markahæsti leikmaður Armena frá upphafi.
Gevorg Ghazaryan, miðjumaður PAS Lamia 1964 í Grikklandi, hefur skorað fjórtán mörk á landsliðsferli sínum en næstmarkahæsti leikmaðurinn í landsliðshópi Armena í dag er Aleksandre Karapetian, framherji Ararat-Armenia með sex mörk.
Samtals hafa leikmenn í landsliðshópi Armeníu í dag skorað 39 mörk með liðinu á ferlinum.
Ísland verður án Gylfa Þórs Sigurðssonar (25 mörk í landsliðinu) og Alfreðs Finnbogasonar (15 mörk í landsliðinu) í leiknum á sunnudag.
Samtals hafa leikmenn í íslenska landsliðshópnum í dag skorað 85 mörk á landsliðsferlinum.
Markahæstir í hópnum í dag eru Kolbeinn Sigþórsson með 26 mörk og Birkir Bjarnason með 13 mörk.
Jóhann Berg Guðmundsson er númer þrjú í hópnum í dag með átta mörk en hann ætti að verða leikfær gegn Armenum á sunnudag eftir að hafa misst af leiknum gegn Þjóðverjum í gær vegna smávægilegra meiðsla.
Athugasemdir
