Lestu um leikinn: Valur 0 -  1 Breiðablik

„Frábær þrjú stig, við vorum vel skipulagðir, pressuðum Valsara svolítið hátt og uppskárum þrjú stig, ég er gríðarlega ánægður með liðið í heild sinni og held að þetta hafi verið sanngjarn sigur. Bæði lið voru á höttunum eftir þremur stigum en við fengum þau í dag sem er mikilvægt fyrir okkur í toppbaráttunni. Við erum að reyna að halda í við Skagamenn sem er á mikilli hraðferð og þá var mjög mikilvægt að fá þessi þrjú stig."

Breiðablik klúðruðu mörgum dauðafærum í dag og Ágúst sagði það sýna góðan karakter að halda áfram og skora á endanum.

„Það er karakter að halda áfram eftir það, Valsarar segjast hafa fengu tvö lögleg mörk dæmd af sér en við þurfum ekki að hugsa um það. Við skoruðum og héldum hreinu og ég er mjög ánægður með það."

Thomas Mikkelsen var ekki í leikmannahópnum í dag vegna meiðsla en Ágúst væntir þess að hann verði klár í næsta leik.

„Hann er léttmeiddur, við treystum honum ekki til að spila í dag, það er leikur á fimmtudaginn og leikur á sunnudaginn og við væntum þess að hann verði klár þá."