Hollenski bakvörðurinn Tyrell Malacia er að ganga í raðir franska félagsins Lyon frá Feyenoord.
Malacia er 22 ára gamall vinstri bakvörður sem hefur alla tíð spilað fyrir Feyenoord.
Hann lék 50 leiki í öllum keppnum með liðinu á síðustu leiktíð og tókst að heilla njósnara um alla Evrópu.
Franska félagið Lyon hefur nú komist að samkomulagi við Feyenoord um kaup á Malacia.
Lyon greiðir 15 milljónir evra fyrir leikmanninn og gerir hann fimm ára samning en skiptin verða tilkynnt á næstu dögum.
Malacia lék sinn fyrsta landsleik fyrir Holland í september á síðasta ári og hefur síðan þá spilað fjóra landsleiki.
Athugasemdir