David Luiz er afar umdeildur leikmaður en hann er samningsbundinn Arsenal út næstu leiktíð.
Þessi 33 ára miðvörður er í byrjunarliði Arsenal sem er að spila við fallbaráttulið Watford í lokaumferð ensku úrvalsdeildarinnar þessa stundina.
Arsenal komst í þriggja marka forystu í fyrri hálfleik en Troy Deeney minnkaði muninn fyrir Watford þegar hann þrumaði knettinum í netið af vítapunktinum.
David Luiz var dæmdur brotlegur þegar hann sparkaði í Danny Welbeck innan vítateigs. Hann setti þar með nýtt úrvalsdeildarmet, en þetta var fimmta vítaspyrnan sem er dæmd á hann á deildartímabilinu.
Staðan er 3-2 þegar stundarfjórðungur er eftir af leiknum og er Watford með þunga pressu á Arsenal þessa stundina.
5 - David Luiz has given away five penalties in the Premier League this season, the most any player has ever conceded in a single campaign in the competition. Calamity. pic.twitter.com/GWFhbNOjxe
— OptaJoe (@OptaJoe) July 26, 2020
Athugasemdir