Jose Luis Palomino, varnarmaður Atalanta á Ítalíu, er á leið í langt bann eftir að það fundust anabolískir sterar í blóði hans á dögunum, en þetta kemur fram í CalcioFinanza.
Þessi 32 ára gamli miðvörður hefur verið fastamaður í vörn Atalanta síðustu ár en mun líklega ekkert spila á komandi leiktíð.
Ítalska deildin hefst þann 13. ágúst og velja fótboltayfirvöld þar í landi handahófskennt og var Palomino fyrir valinu.
Niðurstöðurnar eru gríðarlega neikvæðar fyrir argentínska varnarmanninn en anabolíski sterinn Nandrolone fannst í blóði hans og hefur hann verið sendur í bann á meðan málið er rannsakað frekar.
Palomino spilaði 34 leiki fyrir Atalanta í Seríu A á síðustu leiktíð er liðið hafnaði í 8. sæti.
Athugasemdir