Leikurinn var nokkuð jafn þar sem ekki var mikið um opin færi í bragðdaufri viðureign.

Gylfi Þór gerði eina markið á 80. mínútu eftir flott spil Everton. Hann fékk sendingu frá Abdoulaye Doucoure og gerði vel að skora með flottu skoti.

Everton fer upp í 2. sæti úrvalsdeildarinnar með sigrinum og er aðeins tveimur stigum eftir toppliði Liverpool, sem á þó leik til góða. Sheffield er áfram á botninum, án sigurs og aðeins með tvö stig eftir 15 umferðir.

Sheffield Utd 0 - 1 Everton
0-1 Gylfi Þór Sigurðsson ('80)

Manchester City tók þá á móti Newcastle og lenti ekki í miklum vandræðum.

Heimamenn voru betri í fyrri hálfleik og verðskulduðu að leiða í hálfleik eftir mark frá Ilkay Gündogan.

Ferran Torres tvöfaldaði forystuna í síðari hálfleik og komust gestirnir í Newcastle nálægt því að minnka muninn en inn vildi boltinn ekki.

Man City verðskuldaði sigurinn og er í fimmta sæti, með 26 stig eftir 14 umferðir.

Man City 2 - 0 Newcastle
1-0 Ilkay Gündogan ('14)
2-0 Ferran Torres ('55)