Ítalska liðið Lazio vann AC Milan 3-0 í Seríu A í gær en þetta var tíundi heimasigur Lazio í röð.
Joaquin Correa skoraði tvö og Ciro Immobile gerði eitt í sigrinum gegn Milan í gær en liðið hefur unnið alla heimaleiki sína frá 20. desember.
Síðasta tap Lazio á heimavelli kom þann 12. desember og er þetta sögulegt fyrir félagið.
47 ár eru liðin frá því Lazio tókst síðast að vinna tíu heimaleiki í röð en það ár vann liðið ítölsku deildina.
Þá voru aðeins tvö stig gefin fyrir sigur en liðið varð meistari með 43 stig, tveimur stigum meira en Juventus.
Athugasemdir