Robbie Brady er frjáls ferða sinna í sumar. Hann kom við sögu í 21 leik á nýafstöðnu tímabili, fyrsta sinn sem hann spilar yfir 20 leiki á einu tímabili hjá Burnley.
Kantmaðurinn Robbie Brady hefur yfirgefið Burnley á frjálsri sölu eftir fjögur ár hjá félaginu.
Dvöl Brady hjá Burnley hefur einkennst af meiðslum en honum tókst þó að koma við sögu í 87 leikjum.
Brady er vinstri kantur en getur einnig leikið í vinstri bakverði og á hægri kanti.
Hjá Burnley hefur Brady meðal annars verið í samkeppni við Jóhann Berg Guðmundsson um byrjunarliðssæti.
Brady er 29 ára gamall og á 57 leiki að baki fyrir írska landsliðið. Hann var hjá Manchester United í fimm ár og hefur spilað fyrir Hull City og Norwich í ensku úrvalsdeildinni.
We can confirm the departure of Robbie Brady following the end of his contract.
— Burnley FC (@BurnleyOfficial) May 27, 2021
Athugasemdir