Hinn 18 ára gamli Harvey Elliott var í byrjunarliði Liverpool þegar liðið gerði jafntefli í stórleik þriðju umferðar í ensku úrvalsdeildinni.
Hann átti fínan leik og eru Liverpool stuðningsmenn mjög spenntir fyrir honum.
Jurgen Klopp, stjóri Liverpool, hrósaði táningnum mjög eftir 1-1 jafnteflið við Chelsea.
„Ef þú ert með aldur til að keyra, þá ertu með aldur til að spila fótboltaleik. Hann er á réttum stað. Hann er gáfaður leikmaður. Hann virtist ekki vera þreyttur í eina sekúndu í kvöld og hélt alltaf áfram."
„Harvey Elliott var mjög góður. Tengingin á milli hans, Salah og Alexander-Arnold er mjög góð," sagði Klopp.
Athugasemdir