Tveir leikir fóru fram í ensku úrvaldeildinni í dag. Báðir enduðu með 1-1 jafntefli.

Wilfried Zaha, Harvey Barnes, Olivier Giroud og Anwar El Ghazi skoruðu mörkin. Vicente Guaita varði víti frá Kelechi Iheanacho, vörsluna, mörkin og allt það helsta úr leikjum dagsins má sjá hér að neðan.

Leikmenn Chelsea voru ansi fúlir út í mark Aston Villa því Anders Christensen lá á vellinum meiddur. Jack Grealish hafði lent í samstuði við Danann en leikurinn hélt áfram.

„Í seinni hálfleik fengum við á okkur mark með mann liggjandi í grasinu, þannig eru hlutirnir hjá okkur þessa stundina," sagði Frank Lampard eftir leikinn. Þá vildu einhverjir Chelsea-menn fá dæmda hendi í aðdraganda marksins.