„Það er mikil spenna. Það gekk ekki vel hjá Keflavík þegar við vorum síðast uppi en við teljum okkur vera með gott lið," segir Sigurður Ragnar.

Spámenn virðast hafa nokkuð góða trú á Keflavíkurliðinu og fáir að spá þeim falli.

„Okkur hefur gengið fínt og vorum góðir í fyrra. Við fórum í undanúrslitin í Lengjubikarnum en því miður náðist ekki að klára mótið. Það eru einhverjar væntingar til liðsins virðist vera."

Það má búast við skemmtilegum fótboltaleik, 19:15 á sunnudagskvöld.

„Við spiluðum við þá fyrir stuttu og þá fór 3-3 og leikurinn endaði í vítaspyrnukeppni. Það var leikur sem bauð upp á allt. Bæði lið spila góðan fótbolta, sóknarfótbolta, það verður skemmtilegt og spennandi að byrja mótið," segir Sigurður Ragnar.

„Maður myndi alltaf vilja bæta við en við erum með minna budget en flest önnur lið og erum að gera þetta skynsamlega. Svo viljum við vera með kjarna í liðinu af strákum frá Suðurnesjunum. Ég held að við höfum gert þetta á skynsamlegan hátt."

Viðtalið má sjá í heild í sjónvarpinu hér að ofan en þar segir Sigurður Ragnar meðal annars að þeir Magnús Þór Magnússon og Ísak Óli Ólafsson séu báðir á meiðslalistanum og missa væntanlega af leiknum á sunnudaginn.

föstudagur 30. apríl
20:00 Valur-ÍA (Origo völlurinn)

laugardagur 1. maí
17:00 HK-KA (Kórinn)
19:15 Stjarnan-Leiknir R. (Samsungvöllurinn)
19:15 Fylkir-FH (Würth völlurinn)

sunnudagur 2. maí
19:15 Breiðablik-KR (Kópavogsvöllur)
19:15 Víkingur R.-Keflavík (Víkingsvöllur)