Höttur/Huginn vann Augnablik 4-1 á gervigrasinu í Fagralundi í 3. deild karla í dag. Gestirnir höfðu tapað síðustu þremur leikjum fram að leiknum í dag.

Manuel Garcia Mariano skoraði strax á 7. mínútu og bætti Ignacio Poveda Gaona við öðru marki þremur mínútum síðar.

Manuel Garcia gerði tvö mörk til viðbótar í leiknum og fullkomnaði þar þrennu sína áður en Arnór Daði Gunnarsson minnkaði muninn tveimur mínútum síðar.

Lokatölur 4-1. Léttir fyrir Hött//Hugin sem hafði ekki unnið síðustu þrjá leiki en liðið er áfram á toppnum með 38 stig þegar þrjár umferðir eru eftir.