Fótboltamenn eins og Marouane Fellaini, Oscar og Marko Arnautovic hafa fengið tækifæri til að þéna vel við að spila fótbolta í Kína. Í nýjum reglum mun það hins vegar gilda að leikmenn fái ekki meira en 42 þúsund pund í vikulaun fyrir skatt.

Óhætt er að fullyrða að bestu leikmennirnir í Kína séu að þéna meira en það á viku.

Reglurnar munu ekki gilda á núgildandi samninga, en leikmennirnir þurfa að taka á sig launalækkun ef þeir vilja framlengja samninga sína.

Daily Mail fjallar um málið og þar er þeirri spurningu velt upp hvort að Fellaini, Oscar og Arnautovic gætu snúið aftur í ensku úrvalsdeildina.