Það fór fram sannkallaður toppslagur í skosku úrvalsdeildinni í dag þegar Celtic tók á móti erkifjendum sínum í Rangers.

Gestirnir í Rangers komust yfir á 36. mínútu með marki frá fyrrum leikmanni Liverpool, Ryan Kent.

Heimamenn í Celtic jöfnuðu fyrir hálfleik, það gerði Odsonne Edouard á 42. mínútu.

Það var eitt mark í viðbót skorað í leiknum og það gerði Nikola Katic á 56. mínútu, þetta mark tryggði Rangers sinn fyrsta sigur á Celtic Park frá árinu 2010.

Það er mikil spenna í toppbaráttunni í Skotlandi og sérstaklega eftir úrslit dagsins, Celtic er með 52 stig í toppsætinu en Rangers í öðru sæti með 50 stig og á þar að auki leik til góða.