Kórónaveiran hefur mikil áhrif í enska boltanum þessa dagana. Leik Everton og Manchester City var frestað í ensku úrvalsdeildinni í gær eftir smit hjá City.

Níu leikjum hefur verið frestað í neðri deildunum í kvöld vegna smita, þar á meðal sjö leikjum í C-deildinni.

Wesley Tensel, læknir hjá Rochdale í ensku C-deildinni, telur að fresta eigi tímabilinu í ljósi stöðunnar.

„Þessir leikmenn eru undir pressu á að mæta út á völl og standa sig þegar innst inni þeir hafa alvarlegar áhyggjur. Þeir eiga ung börn og eldri fjölskyldumeðlimi," sagði Wesley við BBC.