Rúnar Kristinsson, þjálfari KR, var spurður að því eftir leik hvort þetta hefði verið bestur leikur miðjumannsins í treyju KR.

„Hann er bara búinn að vera svona í öllum leikjunum," sagði Rúnar í viðtali.

„Hann er stórkostlegur leikmaður. Hann tapar varla bolta, vinnur mikið af boltum og hleypur meira en allir hinir leikmennirnir. Hann er ótrúlega flottur."

Theódór Elmar gekk í raðir KR á miðju tímabili eftir langa veru í atvinnumennsku. Hann er 34 ára gamall og á að baki 41 A-landsleik fyrir Ísland.

Hægt er að sjá allt viðtalið við Rúnar hér að neðan.