Fylkir tók á móti Þrótti R. í 16. umferð Pepsi-Max deildar kvenna. Leiknum lauk með 1-1 jafntefli en Fylkir situr í fallsæti þegar tvær umferðir eru eftir.
„Ég held að við verðum bara að virða stigið sem við fengum, auðvitað vildum við fá þrjú stig, maður vill það alltaf, en úr því sem komið var gæti stigið reynst okkur mjög mikilvægt og við virðum það, sagði Margrét Magnúsdóttir, einn af þjálfurum Fylkis strax eftir leik.
Margréti fannst liðið spila nokkuð vel í kvöld.
„Mér fannst við spila þennan leik nokkuð vel, sérstaklega komum við inn í seinni hálfleikinn af mjög miklum krafti og þetta er í rauninni bara það sem við viljum að einkenni okkar lið, að við komum inn á fullu og gefum ekkert eftir. Erum í rauninni að gefa í svolítið mikið frá síðasta leik gegn Stjörnunni. Við ákváðum að koma á fullum krafti inn í þetta og sýna að við erum að berjast fyrir lífi okkar í þessari deild."
„Ég held að við verðum bara að virða stigið sem við fengum, auðvitað vildum við fá þrjú stig, maður vill það alltaf, en úr því sem komið var gæti stigið reynst okkur mjög mikilvægt og við virðum það, sagði Margrét Magnúsdóttir, einn af þjálfurum Fylkis strax eftir leik.
Margréti fannst liðið spila nokkuð vel í kvöld.
„Mér fannst við spila þennan leik nokkuð vel, sérstaklega komum við inn í seinni hálfleikinn af mjög miklum krafti og þetta er í rauninni bara það sem við viljum að einkenni okkar lið, að við komum inn á fullu og gefum ekkert eftir. Erum í rauninni að gefa í svolítið mikið frá síðasta leik gegn Stjörnunni. Við ákváðum að koma á fullum krafti inn í þetta og sýna að við erum að berjast fyrir lífi okkar í þessari deild."
Lestu um leikinn: Fylkir 1 - 1 Þróttur R.
Tvær umferðir eru eftir og eiga Fylkir eftir að mæta Þór/KA og ÍBV. Keflavík vann sinn leik í kvöld og er því með þriggja stiga forskot á Fylki eftir úrslit kvöldsins.
„Ég væri að ljúga að þér ef ég segði að þetta væri góð staða. Þetta er erfið staða og við vitum það og erum meðvituð um það. Ég held að það sé bara mjög mikilvægt fyrir okkur að taka einn leik í einu, við eigum tvo leiki eftir og við munum byrja á að klára leikinn á laugardaginn og svo byrjum við að fókusa á ÍBV leikinn."
Fyrr í sumar ætlaði Kjartan að hætta sem þjálfari liðsins en hætti svo við að hætta, framhaldið hefur ekki verið ákveðið.
„Það er í rauninni bara allt opið, ég held að þetta sé spurning í öllum viðtölum, um þjálfaramál Fylkis. Kjartan er hérna enþá og ég og Jón Steindór komum inn í þetta um mitt sumar og framhaldið er í rauninni bara óákveðið, það er staðan í dag, sagði Margrét að lokum.
Athugasemdir