England og Þýskaland mættust í úrslitaleik EM kvenne í dag. Mótið fór fram á Englandi en liðin mættust á Wembley.
Fyrri hálfleikurinn var nokkuð rólegur en bæði lið fengu þó sín færi en báðir markverðirnir héldu hreinu og því markalaust í hálfleik.
Þær þýsku byrjuðu síðari hálfleikinn af miklum krafti en Mary Earps í marki Englands var vel vakandi og sá við þeim. Ella Toone framherji Englands og Manchester United kom inná sem varamaður snemma í síðari hálfleiknum.
Hún gerði sér lítið fyrir og kom Englandi yfir eftir rúmlega klukkutíma leik þegar hún vippaði boltanum snyrtilega yfir Merle Frohms í marki Þýskalands.
Þjóðverjar gáfust ekki upp og Lina Margull leikmaður Bayern Munchen jafnaði metin þegar tæplega 10 mínútur voru eftir af leiknum.
Fleiri urðu mörkin ekki í venjulegum leiktíma svo það er framlenging framundan.
Sjáðu mörkin:
Mark Englands
