Ljóst er að Man City var með nægilega mikið af ósmituðum leikmönnum í hópi til að spila leikinn en ákveðið var að fresta honum til að forðast frekari smit.

Guardiola útskýrir að það hafi ekki verið ráðlegt að spila leikinn við Everton í ljósi þess að veiran lék lausum hala í herbúðum City.

„Við vorum með nóg af leikmönnum til að spila við Everton. Við vildum spila leikinn en það voru þrjár nýjar sýkingar hjá okkur sama dag og leikurinn átti að fara fram. Það þýðir að veiran lék lausum hala innan herbúða okkar," sagði Guardiola.

„Ég heyrði strax í Carlo Ancelotti og sagði honum frá þessu. Hvað hefði gerst ef við hefðum spilað leikinn og leikmenn Everton hefðu svo smitast útfrá okkar leikmönnum? Þá væri staðan orðin ansi slæm."