Leit ekki vel út í gær.
Orri Sigurjónsson rotaðist og fékk „brútal" heilahristing þegar hann lenti í samstuði við liðsfélaga sinn Kennie Chopart í leik Fram og Árbæjar í Mjólkurbikarnum í gær.
Orri var að spila sinn fyrsta leik í talsverðan tíma í gær því hann lenti í mjög slæmum höfuðmeiðslum í vetur. Þá fékk hann líka hreilahristing. „Hann fékk boltann í andlitið þegar hann var ekki að fylgjast með, þetta er nánast eins og að lenda í bílslysi því þú færð svona hálshnykk," sagði Rúnar Kristinsson við mbl.is fyrr í þessum mánuði.
Orri mætti til baka í gær en rotaðist í lok fyrri hálfleiks.
Orri var að spila sinn fyrsta leik í talsverðan tíma í gær því hann lenti í mjög slæmum höfuðmeiðslum í vetur. Þá fékk hann líka hreilahristing. „Hann fékk boltann í andlitið þegar hann var ekki að fylgjast með, þetta er nánast eins og að lenda í bílslysi því þú færð svona hálshnykk," sagði Rúnar Kristinsson við mbl.is fyrr í þessum mánuði.
Orri mætti til baka í gær en rotaðist í lok fyrri hálfleiks.
Lestu um leikinn: Árbær 0 - 3 Fram
Hann var fluttur á sjúkrahús í gær en fékk að fara heim um kvöldmatarleytið.
„Framhaldið verður eiginlega að koma í ljós, ég veit ekki hvernig það verður. Ég slapp við brot, blæðingu og allan þann pakka. En þetta var mjög slæmur heilahristingur," segir Orri sem er enn með mikinn hausverk.
„Ég fékk þau fyrirmæli að sleppa vinnu í dag og taka því mjög rólega yfir helgina."
Hefurðu eitthvað hugsað um að hætta eftir þetta, að þetta sé eitthvað merki?
„Nei, ég hef svo sem ekki farið í þá hugsun. Vonandi tekur þetta bara stuttan tíma svo maður geti farið að æfa aftur. Ég mun fara hægt af stað til að byrja með," segir Orri.
Hann er 29 ára uppalinn Þórsari sem er á sínu öðru tímabili með Fram.
Athugasemdir
