Trevor Sinclair, fyrrum landsliðsmaður Englands, hefur játað að hafa keyrt bíl undir áhrifum áfengis og ranglega sakað lögreglumann um kynþáttafordóma.
Sinclair var handtekinn fyrir ölvunarakstur og hefur nú verið dæmdur í 150 klukkustunda ógreidda samfélagsvinnu. Þá missir hann ökuréttindi í 20 mánuði.
Þá þarf hann að greiða lögreglumanninum rúmlega 70 þúsund íslenskar krónur í skaðabætur.
Eftir að hann var handtekinn meig hann á sig í lögreglubílnum.
Sinclair hefur reglulega sest á skjánum hjá BBC þar sem hann hefur tekið að sér leikgreiningu. Á leikmannaferlinum lék hann meðal annars fyrir Blackpool, QPR, West Ham, Cardiff og Manchester City. Hann lék tólf landsleiki fyrir England en lagði skóna á hilluna 2008.
Athugasemdir