„Ég er svo ánægður fyrir hönd strákana," sagði Jose Mourinho, stjóri Tottenham, eftir 2-0 sigur gegn Manchester City í ensku úrvalsdeildinni.
„Við vorum heppnir í ákveðnum stöðum, en frá hinu sjónarhorninu vorum við óheppnir að VAR hafi ekki ákveðið að gefa Raheem Sterling rautt spjald."
Sjá einnig:
Sjáðu viðbrögð Mourinho er hann frétti að Sterling væri á gulu
„Þetta var augljóst rautt spjald. Leikurinn hefði verið öðruvísi ef við hefðum spilað 11 gegn tíu í 75 mínútur. Ég hef séð aðrar stöður þar sem niðurstaðan hefur verið rautt spjald. Son Heung-min gegn Chelsea til dæmis."
„Strákarnir voru magnaðir. Markvarslan í vítinu var stórkostleg, guðs vilji þar sem þetta var ekki víti."
Tottenham er fjórum stigum frá Meistaradeildarsæti og segir Mourinho að sú barátta verði erfið.
„Það verður erfitt að enda í topp fjórum. Við erum í þremur keppnum. Þetta var góð helgi fyrir okkur," sagði Mourinho.
Athugasemdir