Sky Sports greinir frá því að serbneski sóknarmaðurinn Dusan Vlahovic og slóvenski sóknarmaðurinn Benjamin Sesko séu efstir á óskalista Manchester United sem leitar að arftaka Cristiano Ronaldo.
Erik ten Hag vantar sóknarmann til að fullkomna framlínuna en flest virðist benda til þess að Ronaldo yfirgefi Rauðu djöflana á frjálsri sölu næsta sumar.
Sesko er 19 ára og spilar fyrir RB Salzburg á meðan Vlahovic er 22 ára og er hjá Juventus.
Báðir eru þeir lykilleikmenn í sínum liðum og búist við miklu af þeim í framtíðinni.
Sesko er aðeins kominn með sex mörk og þrjár stoðsendingar í 24 leikjum á tímabilinu. Vlahovic er með átta mörk og eina stoðsendingu í 15 leikjum.
Athugasemdir