Halldór Smári Sigurðsson lék sinn 301 leik fyrir Víking þegar liðið lagði HK að velli í veðurblíðunni í Fossvogi í kvöld. Halldór hefur verið fastamaður í liði Víkinga undanfarin ár og er orðin einn af leikjahæstu leikmönnum félagsins þrátt fyrir að vera aðeins 31 árs gamall.
Lestu um leikinn: Víkingur R. 2 - 1 HK
„Ég get eiginlega ekki lýst því þetta er bara svo mikill léttir og góð tilfinning. Þetta var ljótt en þetta kom og það er bara fyrir öllu,“
sagði Halldór um tilfinninguna að landa fyrsta sigri sumarsins í vígsluleik í Víkinni.
Eftir fínan fyrri hálfleik áttu Víkingar í basli með að halda gestunum frá sér í þeim síðari. Hvernig mat Halldór leikin? Voru Víkingar of passívir?
„Já ég myndi segja það en ég held að það hafi bara gerst ósjálfrátt. Lið eins við sem hefur ekkert gengið alltof vel við vorum í þessari stöðu sem við vorum í fyrir leik og föllum ósjálfrátt til baka en á móti kemur að við vorum þéttir og náðum að sigla þessu í höfn. “
Sagði Halldór Smári Sigurðsson en allt viðtalið má sjá hér að ofan.
Athugasemdir