Holland gerði 2-2 jafntefli gegn Svartfjallalandi í gær. Hollendingar voru með tveggja marka forystu þegar 10 mínútur voru eftir.
Memphis Depay skoraði bæði mörkin og komst þar með uppfyrir Ruud van Nistelrooy í 4. sæti yfir markahæstu leikmenn hollenska landsliðsins.
Virgil van Dijk varnarmaður hollenska liðsins var ekki sáttur með varnarleikinn í seinni hálfleik.
„Við spiluðum hræðilega í seinni hálfleik. Við viljum halda boltanum, við viljum spila fótbolta, sækja og skora. En fótbolti snýst líka um að kunna að verjast. Við gerðum það ekki í kvöld. Skipulagið var hræðilegt, við hefðum átt að tryggja okkur áfram í kvöld."
Athugasemdir