Benzema skoraði fyrsta mark Real Madríd í leiknum á 34. mínútu eftir slæm mistök hjá Marco Sportiello, markverði Atalanta, en þetta mark hjálpaði Madrídingum að komast í 8-liða úrslitin.

Þetta var 70. mark Benzema í Meistaradeildinni en hann er fimmti leikmaðurinn í sögunni sem tekst það.

Það tók hann 126 leiki að ná 70 mörkum en til samanburðar þá tókst Lionel Messi að gera það í 90 leikjum.

Benzema var 33 ára gamall og 87 daga gamall þegar hann afrekaði þetta í gær en aðeins Raul Gonzalez var eldri er hann skoraði 70. mark sitt, þá 33 ára og 282 daga gamall. Messi var yngstur eða 27 ára og 134 daga gamall.