Lestu um leikinn: ÍA 0 -  3 Stjarnan

Mark Ólafs kom gjörsamlega upp úr engu. Hann tók við boltanum inn í teig eftir hælsendingu Emils Atlasonar, lyfti honum upp og henti sér í hjólhestaspyrnu og söng boltinn svoleiðis í netinu.

Þetta er klárlega eitt af mörkum tímabilsins en markið kom undir lok fyrri hálfleiksins. Staðan er 2-0 fyrir Stjörnumönnum.

„HVAÐ VAR ÉG AÐ SJÁ!?!?

Haraldur Björnsson neglir boltanum fram þar sem Emil Atlason snýr í fyrstu snertingu á Köhler, Jóhann Árni sendir á Eggert Aron sem gefur hann á Emil og Emil tekur hælspyrnu á Ólaf Karl Finsen sem lyftir boltanum upp og tekur Hjólhestaspyrnu upp í hornið!!!

Mark tímabilsins hingað til að mínu mati, ruglað mark!!," segir Kári Snorrason, fréttamaður Fótbolta.net, á leiknum.

Hægt er að sjá markið hér fyrir neðan.