„Það er varla hægt að ímynda sér betri kringumstæður fyrir fyrsta markið, sigurmark fyrir framan hólfið þar sem okkar stuðningsmenn voru. Þetta var algjörlega fullkomið," sagði Bell eftir leikinn.

Staðan að loknum 90 mínútum var 1-1. Mark Sykes hafði komið Bristol yfir en varamaðurinn Ollie Cooper jafnaði fyrir Swansea með sinni fyrstu snertingu eftir að hafa komið inn af bekknum.

Mark Bell á 112. mínútu tryggði Bristol City sinn annan sigur í röð en á undan því hafði liðið aðeins unnið einn af tólf leikjum. Það situr í 17. sæti Championship-deildarinnar.

„Þetta var glæsilegt mark, virkilega vel klárað. Þetta var stórkostleg leið til að vinna þennan leik," sagði Nigel Pearson, stjóri Bristol City, eftir leikinn. Bristol City mun mæta West Bromwich Albion á heimavelli í næstu umferð bikarsins.

Smelltu hér til að sjá önnur úrslit úr bikarnum í gær.