Bielsa tók við Leeds síðasta sumar og gerði frábæra hluti með liðið en það var lengi vel í efsta sæti deildarinnar áður en það gaf eftir undir lok tímabils.

Liðið hafnaði í 3. sæti deildarinnar og fór í umspil um sæti í ensku úrvalsdeildinni en tapaði í tveggja leikja rimmu gegn Derby County.

Bielsa kom sér reglulega í fréttirnar í ensku B-deildinni, þá sérstaklega þegar hann hélt blaðamannafund og lýsti því hvernig hann njósnaði um Derby og önnur lið í B-deildinni, meðal annars með drónum.

Það kom í bakið á honum en hann vill þó taka eitt tímabil til viðbótar með Leeds.

Ítalska félagið Roma hefur sýnt honum mikinn áhuga en hann er tilbúinn til þess að hafna því samningstilboði til að reyna aftur við úrvalsdeildarsæti með Leeds.