Stuðningsmenn Nacional í Úrúgvæ þrá ekkert heitar en að Luis Suarez snúi aftur til félagsins.
Til að sýna það skýrt þá voru um 20 þúsund stuðningsmenn liðsins með Suarez grímur í leik liðsins gegn Cerrito í dag.
Til að sýna það skýrt þá voru um 20 þúsund stuðningsmenn liðsins með Suarez grímur í leik liðsins gegn Cerrito í dag.
Suarez er úrúgvæskur landsliðsmaður, 35 ára, og er félagslaus eftir að hafa yfirgefið Atletico Madrid þegar samningur hans rann út í sumar.
Þessi fyrrum sóknarmaður Liverpool og Barcelona var orðaður við Borussia Dortmund í slúðurpakkanum í morgun.
En samkvæmt fréttum frá heimalandi hans er Suarez að snúa aftur þangað sem ævintýrið hófst. Hann lék sinn fyrsta aðalliðsleik fyrir Nacional 2005, átján ára gamall.
Athugasemdir
