FH-ingar fóru ekki ferð til fjár upp í Breiðholt í kvöld, að lokum fór svo að þeir töpuðu 1-2 fyrir heimamönnum í Leikni. Davíð Þór annar þjálfara FH var lítt sáttur í leikslok:
„Við áttum bara eftir 90 mínútur ekki skilið að fara með neitt héðan."
„Við áttum bara eftir 90 mínútur ekki skilið að fara með neitt héðan."
Lestu um leikinn: Leiknir R. 2 - 1 FH
FH hóf leikinn vel en um leið og Leiknir jafna dettur botninn eilítið úr leik Hafnfirðinga.
„Það var margt gott í fyrri hálfleik og sérstaklega í byrjuninni. Farandi inn í hálfleikinn í stöðunni 1-1 og vita af því að vera með vindinn í bakið var maður bara nokkuð jákvæður. Við bara náðum okkur alls ekki á strik í seinni, við sem lið erum bara ekki í balance frá byrjun seinni. Vinnum enga seinni bolta og missum hann á hættulegum stöðum."
Eftir fína byrjun í fyrstu fjórum leikjum mótsins hefur FH nú tapað tveimur í röð. Það hlýtur að vera súrt.
„Við erum FH, við förum inn í hvern einasta leik til að vinna hann, það hefur verið lenskan hjá okkur að þegar við töpum leik þá komum við sterkir til næsta leiks, það tókst ekki í kvöld en við verðum bara að vera tilbúnir næst, hvenær sem sá leikur verður."
Er Davíð eitthvað að sækja í færeyska ættlegginn til að hafa áhrif á hvort að landsleikurinn fyrirhugaði fari fram, kannski bara fínt að fá æfingahlé núna?
„Neinei, ég hef ekkert hringt í ættingjana, við verðum bara að sjá hvað gerist. Ég veit það ef að við eigum leik á sunnudaginn þá komum við klárir, við þurfum að snúa þessu við."
Nánar er rætt við Davíð í viðtalinu sem fylgir fréttinni.
Athugasemdir