Jón Þór Hauksson þjálfari ÍA var niðurlútur eftir að liðið hans tapaði 4-0 fyrir Fram í kvöld.
Lestu um leikinn: ÍA 0 - 4 Fram
„Það er bara eins og þú segir, gríðarlega þungt og þetta særir. Mér fannst við byrja þennan leik ágætlega og það var ágætis taktur í okkar leik rétt í blábyrjunina. Við fáum fyrstu færin í leiknum og tókum þau ekki, Framararnir gerðu það hinum megin. Enn og aftur 2-0 undir í hálfleik og náðum ekki að koma til baka í seinni hálfleik."
ÍA spilaði á köflum fínan fótbolta og þá sérstaklega í byrjun leiks en það dugði ekki til í dag.
„Nei nei við náðum ekki að komast yfir, fengum einhver færi til þess en náðum því ekki. Framararnir hinsvegar nýta sín færi hinum megin og það er munurinn á liðunum."
ÍA fékk á sig fyrstu tvö mörkin á 2 mínútum þegar tæpar 20 mínútur voru búnar af leiknum.
„Það var þungt högg og við vorum slegnir yfir því og við sáum það að liðið var staðið og menn voru slegnir bæði sóknarlega og varnarlega þá vorum við ekki að færa okkur eins og við gerðum í upphafi leiks og Framararnir gengu á lagið og áttu frábæran leik hér í dag."
Jón Þór breytti aðeins til fyrir leik og fór í 3 hafsenta kerfi og setti inn nýjan danskan miðvörð líkast til í von um að breyta hagi liðsins.
„Við höfum átt svo sem ágætis kafla í þessum leikjum það hefur undantekningarlaust komið kaflar í þessum leikjum og það var alveg það sama upp á teningnum í dag. Mér fannst við byrja þennan leik ágætlega, mér fannst við undirbúa okkur vel fyrir þennan leik og við töldum það að það gæti hentað okkar liði að fara í þetta kerfi og við erum með leikmenn í það en eftir að við lendum undir þá erum við of staðir og það slitnar á milli hjá okkur. Framararnir ganga á lagið, Fram er með gott fótboltalið og þegar að þeir komast í það að geta spilað hratt og stutt þá bara sundurtættu þeir okkur á köflum og við gerðum það ekki nægilega vel."
Viðtalið má sjá í heild sinni í spilaranum hér fyrir ofan.