Manchester United hefur ekki unnið titil núna í fjögur ár og bíður Ole Gunnar Solskjær enn eftir sínum fyrsta titli.
Man Utd tapaði í kvöld úrslitaleik Evrópudeildarinnar gegn Villarreal, liðinu sem hafnaði í sjöunda sæti spænsku úrvalsdeildarinnar.
Davíð Þór Viðarsson, aðstoðarþjálfari FH, segir að United geti aðeins sjálfum sér um kennt hvernig fór í kvöld.
„United, þeir geta bara sjálfum sér um kennt. Þeir voru lélegir í fyrri hálfleik, góðir í seinni hálfleik. Nýttu sér ekki yfirburðina í seinni hálfleik til að herja á þá eftir að þeir jöfnuðu leikinn. Svo í framlengingunni, þá var eins og þeir hefðu orðið smeykir. Að einhverju leyti þreyta en líka smeykir. Villarreal voru að mínu mati líklegri til að skora í framlengingunni," sagði Davíð Þór á Stöð 2 Sport.
„Það er eins og Man Utd hafi ekki þorað halda áfram að láta boltann rúlla og keyra á þá, eins og þeir voru búnir að gera," sagði Atli Viðar Björnsson.
Sjá einnig:
Villarreal vann Evrópudeildina
Athugasemdir