Hörður fékk KH í heimsókn á Ísafjörð í 4. deild karla í dag. Gestirnir úr 105 tóku forystuna snemma leiks með marki frá Sigfúsi Kjalari Árnasyni.

Gísli Rafnsson tvöfaldaði forystuna fyrir leikhlé og gerði Jón Arnar Stefánsson út um viðureignina með marki á 77. mínútu.

Þetta er þriðji leikurinn sem Hörður spilar á tímabilinu og er liðið með þrjú stig. KH er aftur á móti með sex stig eftir tvær umferðir.

KH stefnir upp um deild og verður áhugavert að fylgjast með gengi liðsins í sumar.