Valsmenn töpuðu fyrir Stjörnunni á heimavelli, Origo-vellinum, í Pepsi Max-deildinni í kvöld.
Lestu um leikinn: Valur 1 - 2 Stjarnan
Valur hefur tapað þremur af síðustu fjórum leikjum sínum og eru tveimur stigum frá toppnum. Ef Breiðablik vinnur Fylki á morgun, þá er Valur fimm stigum frá toppnum með þrjá leiki eftir.
„Það voru tveir menn heima í kvöld sem voru nokkuð glaðir; Arnar (Gunnlaugsson) og Óskar Hrafn (Þorvaldsson)," sagði Reynir Leósson á Stöð 2 Sport.
„Þeir eiga leiki á morgun. En þeir gera sér væntanlega grein fyrir því að þeir þurfa að klára sín verkefni. Ef við sjáum Blikana taka sigur á morgun, þá eru þeir komnir í fimm stig. Þá er kannski einn möguleiki fyrir Val eftir, þeir eiga Blika í næstu umferð."
„Þetta var svakalega dýrt hjá þeim (Val) að hafa ekki náð í þrjú stig í dag," sagði Reynir.
Víkingur er með jafnmörg stig og Valur eins og er. Víkinga eiga útileik við FH á morgun.
Athugasemdir