Nuno Espirito Santo, stjóri Tottenham, segist vera rólegur þrátt fyrir þrjá tapleiki í röð í ensku úrvalsdeildinni. Hann segir að leikmenn treysti sinni vegferð þrátt fyrir að liðið hafi fengið á sig þrjú mörk í öllum af þessum þremur tapleikjum.
„Eina leiðin út úr þessu er að standa saman. Við förum ekki á taugum því við vitum hvernig fótbolti er. Þetta snýst um hvernig þú bregst við mótlæti," segir Nuno.
„Ef sagan er skoðuð þá fara öll lið í gegnum svona kafla. Því fyrr sem við komumst úr honum því betra."
Tottenham hefur skorað fjögur mörk í sex deildarleikjum og hefur átt fæstar skottilraunir allra liða í deildinni. Nuno segist ekki hafa áhyggjur af gagnrýninni sem liðið hefur fengið.
„Ég hugsa bara út í það hvernig við getum spilað betur. Þessi gagnrýni og umræða er hluti af leiknum og við þurfum að sætta okkur við það. Við þurfum á stuðningsmönnunum að halda við hlið okkar."
Nuno segist ekki í vafa um að hann sé með leikmannahópinn á sínu bandi. „Það er enginn vafi á því vegna þess að við vinnum saman á hverjum degi. Menn þurfa að standa saman," segir Nuno.
Tottenham Hotspur have become the first team in world football to be top of the league and then overtaken by the team the bottom of the league within three games.
— The Spurs Web ⚪️ (@thespursweb) September 27, 2021
Athugasemdir