Valsmenn náðu lítið að skapa sér gegn ÍA í fyrri hálfleik en voru mun betra liðið eftir hlé þegar þeir unnu 2-0 sigur í opnunarleik Pepsi Max-deildarinnar.
Lestu um leikinn: Valur 2 - 0 ÍA
„Í fyrri hálfleik var hugarfarið alveg til staðar en sendingar og ákvarðanatökur ekki nægilega góðar. Fyrirgjafir og hlaup voru ekki að fara saman. Það lagaðist í seinni hálfleik, þá vorum við góðir og unnum sanngjarnan sigur," sagði Heimir Guðjónsson, þjálfari Vals, eftir leikinn.
Það var harka í leiknum, eitthvað sem kom Heimi ekki á óvart.
„Það eru nánast allir að spá Skaganum falli og þetta var erfiður leikur og vel tekist á," sagði Heimir.
Jóhannes Karl Guðjónsson, þjálfari ÍA, var á því að Ísak Snær Þorvaldsson hefði ekki átt að fá brottvísun í leiknum en Heimir var ósammála því. „Þetta var klárt rautt spjald," sagði Heimir.
Athugasemdir