Það er von á niðurstöðu hjá KSÍ í máli er varðar hegðun stuðningsmanna HK í bikarleik gegn Breiðabliki á dögunum.
Hópur stuðningsmanna HK sungu ljóta söngva um Damir Muminovic, leikmann Breiðabliks, og eftir leikinn var sparkað í yngri systur Ísaks Snæs Þorvalddssonar.
HK var að mæta Breiðabliki í átta-liða úrslitum Mjólkurbikarsins, en Fótbolti.net fjallaði vel um málið.
„Við viljum vera betri, standa okkur betur og bæta okkur," sagði Frosti Reyr Rúnarsson, formaður knattspyrnudeildar HK, í samtali við Fótbolta.net eftir leikinn.
Málið er á borði hjá aga- og úrskurðarnefnd KSÍ og er von á niðurstöðu í það fyrir helgi. Verður áhugavert að sjá hvað mun koma út úr því.
Sjá einnig:
Strákarnir báðu systur Ísaks afsökunar - „Eitthvað sem enginn samþykkir"
Athugasemdir