Fiorentina 2 - 0 Roma
1-0 Nicolas Gonzalez ('5, víti)
2-0 Giacomo Bonaventura ('11)
Fiorentina er búið að jafna Roma á stigum í Evrópubaráttu ítölsku deildarinnar eftir að liðin mættust í innbyrðisviðureign í kvöld.
Heimamenn í Flórens höfðu tapað þremur leikjum í röð fyrir viðureign dagsins en Rómverjar nýbúnir að slá Leicester City úr leik í undanúrslitum Sambandsdeildarinnar en aðeins með tvö stig úr síðustu þremur leikjum í deildinni.
Nicolas Gonzalez hefur verið öflugur í liði Fiorentina og fiskaði hann vítaspyrnu strax á fimmtu mínútu í dag og skoraði sjálfur af vítapunktinum. Skömmu síðar tvöfaldaði Giacomo Bonaventura forystuna eftir stoðsendingu frá Arthur Cabral og heimamenn í draumastöðu.
Gestirnir frá höfuðborginni sáu varla til sólar og áttu ekki nema eina eða tvær góðar marktilraunir í leiknum. Fiorentina verðskuldaði þennan sigur algjörlega og er komið upp að hlið Roma með 59 stig þegar tvær umferðir eru eftir.
Liðin deila sjötta og sjöunda sæti, sem gefa þátttökurétt í Evrópudeild og Sambandsdeild. Þess má geta að Atalanta er einnig með 59 stig en tapaði öllum innbyrðisviðureignum.
Það eru innbyrðisviðureignir sem skera úr um hvar liðin enda ef þau eru jöfn á lokadegi tímabilsins. Roma og Fiorentina eru með jafnar innbyrðisviðureignir eftir 3-1 sigur Rómverja í fyrri leiknum. Roma er með betri markatölu.
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 35 | 28 | 5 | 2 | 81 | 19 | +62 | 89 |
2 | Milan | 34 | 21 | 7 | 6 | 64 | 39 | +25 | 70 |
3 | Juventus | 34 | 18 | 11 | 5 | 47 | 26 | +21 | 65 |
4 | Bologna | 35 | 17 | 13 | 5 | 49 | 27 | +22 | 64 |
5 | Roma | 34 | 17 | 8 | 9 | 61 | 41 | +20 | 59 |
6 | Atalanta | 33 | 17 | 6 | 10 | 61 | 37 | +24 | 57 |
7 | Lazio | 35 | 17 | 5 | 13 | 45 | 37 | +8 | 56 |
8 | Fiorentina | 33 | 14 | 8 | 11 | 50 | 37 | +13 | 50 |
9 | Napoli | 34 | 13 | 11 | 10 | 52 | 43 | +9 | 50 |
10 | Torino | 35 | 11 | 14 | 10 | 31 | 31 | 0 | 47 |
11 | Monza | 35 | 11 | 12 | 12 | 38 | 46 | -8 | 45 |
12 | Genoa | 34 | 10 | 12 | 12 | 38 | 40 | -2 | 42 |
13 | Lecce | 34 | 8 | 12 | 14 | 31 | 49 | -18 | 36 |
14 | Cagliari | 34 | 7 | 11 | 16 | 36 | 59 | -23 | 32 |
15 | Verona | 34 | 7 | 10 | 17 | 31 | 45 | -14 | 31 |
16 | Frosinone | 34 | 7 | 10 | 17 | 43 | 63 | -20 | 31 |
17 | Empoli | 34 | 8 | 7 | 19 | 26 | 50 | -24 | 31 |
18 | Udinese | 34 | 4 | 17 | 13 | 32 | 51 | -19 | 29 |
19 | Sassuolo | 35 | 7 | 8 | 20 | 41 | 70 | -29 | 29 |
20 | Salernitana | 34 | 2 | 9 | 23 | 26 | 73 | -47 | 15 |