Jack Wilshere, fyrrum leikmaður Arsenal, er velkominn aftur á æfingasvæði félagsins þurfi hann á þvi að halda næstu vikur.
Wilshere er án félags þessa stundina en hann var í áratug hjá Arsenal og spilaði næstum 200 keppnisleiki.
Meiðsli hafa sett stórt strik í reikning miðjumannsins sem var síðast á mála hjá Bournemouth á síðustu leiktíð.
Mikel Arteta, stjóri Arsenal, spilaði með Wilshere og segir að dyrnar séu alltaf opnar fyrir hann á Emirates.
„Hann er einver sem ég þekki, ég var með honum í búningsklefanum," sagði Arteta á blaðamannafundi.
„Hann er einhver sem er elskaður af öllum í félaginu og dyrnar verða alltaf opnar fyrir hann."
Athugasemdir
